schlesische Gedichte - Hatschii – Hatschii
Beitragsseiten
Seite 6 von 10
|
Hatschii – Hatschii! |
| Oelsebach-Hannes (Hannes Oelsebach??) |
| „Is Joahr werd itz mitsachta ahlt. Merr honn ju schun Oktober De Nächte sein gur frisch und kahlt . . „ su spricht derr Voater Schober. „Heut nieste iech ei oller Frieh - Hatschii - Hatschii!“ De Krausen boarmt : Doas is aDing, iech hoa su siehr a Schnuppa. Mich frur die Taage a klee wing, glei toat de Noase truppa. Nu leeft se, wu iech gieh und stieh - Hatschii – Hatschii! De Moid beim Malka, durt, eim Stoll, na, die hoot a Getreemer. Is kloppt heut nich, uf keenen Foll, roasch setzt se weg a Eemer, und plutze hurcha olle Kieh - Hatschii – Hatschii! Derr Schnuppa kimmt, ihr lieba Leut, doas brengt derr Herbst su mitte, Koam er nich gestern, kimmt ar heut, na, doas gibt a Getitte. Die Tichla reecha foast nich mieh - Hatschii – Hatschii! |